Ўзбекистонда реклама қўнғироқлари ва СМС-хабарларга янги чекловлар жорий этилади

Реклама қўнғироқлари ва СМС-хабарномалари бўйича янги тартиб жорий этилади.

Фуқароларнинг реклама қўнғироқлари ва хабарномаларига оид ҳуқуқлари ҳимоясини кучайтириш мақсадида 2026 йил 1 ноябрдан бошлаб қуйидагича тартиб ўрнатилади:

• мобил алоқа воситалари орқали СМС-хабарномалар йўли билан иш ёки хизматларни реклама қилувчи ҳар қандай юридик ва жисмоний шахслар фақат шахснинг ёзма ёки электрон розилиги олингандан сўнг ушбу рекламани амалга оширади;
• мобил телефонларга реклама қўнғироқлари ва СМС-хабарномалар юборувчи юридик шахслар бу хизматни фақат шахсга доир маълумотлар базаси Давлат реестрида рўйхатдан ўтказилгандан кейингина кўрсатиши мумкин. Шундан сўнг уларга реклама қўнғироқлари ва СМС-хабарномаларни юборишга рухсат берилади.
• реклама қўнғироқлари ва хабарномаларини телекоммуникация тармоқлари (мобил алоқа) орқали соат 18.00 дан 09.00 гача тарқатиш тақиқланади;
• мобил алоқа операторларига ўзлари томонидан тарқатиладиган реклама қўнғироқлари ва хабарномаларини абонент сўровига кўра тўлиқ ёки қисман блоклаш мажбурияти юкланади.

Мазкур бандда белгиланган талабларга риоя этмаслик реклама ҳамда шахсга доир маълумотлар тўғрисидаги қонунчиликни бузиш ҳисобланади ва тегишли чоралар кўриш учун асос бўлади.