updated: 22.03.2026, 17:05

Танзила Норбоева депутатлар нега ҳокимларга қарши гапирмаётганига қизиқди

Сенат ҳукуматга қурилишларни тартибга солиш бўйича кўрилаётган чоралар юзасидан парламент сўрови юборди.

Ўзбекистон

02.08.2025, 13:27

Улашиш:

Танзила Норбоева депутатлар нега ҳокимларга қарши гапирмаётганига қизиқди

Фото: Сенат Олий Мажлиса Республики Узбекистан

“Кўп қаватли уйларни ўртасига, болалар майдончалари ўрнига қурилиш қилиш учун тадбиркорларга ер берилишига ҳоким ва маҳалла розилик берворяпти.

Аслида маҳалла еттилиги, маҳаллий депутатлар бунга қарши туриши керак. Етарли куч бор-ку, ахир уларда”, деди Сенат раиси Танзила Норбоева.

Ўзбекистон Сенати Вазирлар Маҳкамасига қурилишларни тартибга солиш бўйича кўрилаётган чоралар юзасидан парламент сўрови юборди. Унда кўп қаватли уйларга туташ ҳудудларда ўзбошимчалик билан қурилиш қилинаётгани ва умумий фойдаланиш жойларини тўсиб олиш каби ҳолатлар муаммо сифатида қайд этилган.

Маълум қилинишича, 2024 йил ва 2025 йилнинг ўтган даври мобайнида кўп квартирали уйларнинг техник ҳолати билан боғлиқ 8 мингдан ортиқ қонун бузилиш ҳолатлари содир этилган. Шундан, 431 та таянч конструкциялар, 2,6 мингта тўсиқ конструкциялар бузилган, 3,3 мингдан ортиқ кўп квартирали уйларга туташ майдонларда ноқонуний қурилмалар қурилган, 1,8 мингдан ортиқ умумий фойдаланишдаги жойлар ўзбошимчалик билан тўсиб олинган.

Қурилиш ташкилотлари томонидан белгиланган қонун ва қоидаларга риоя этилмаганлиги оқибатида 2024 йил ва 2025 йилнинг ўтган даври давомида ўзбошимчалик билан қурилган уй-жой ёки бошқа қурилмаларни бузишга доир фуқаролик судларида кўрилган 11 мингдан ортиқ ишдан 8,3 мингтаси ёки (75 фоизи) қаноатлантирилиб, ноқонуний қурилмаларни бузиш тўғрисида суд қарорлари чиқарилган.

Ўзбекистон

02.08.2025, 13:27

Улашиш:

#сенат

мавзуга оид янгиликлар