АҚШ ва Эрон ўртасидаги уруш: 27-кун ҳолати ва Ҳормуз бўғози

Хитой, Россия, Ҳиндистон, Ироқ ва Покистон кемалари Теҳрон билан мувофиқлаштирилган ҳолда бўғоздан ўтиши мумкин.

Сўнгги кунларда танкерлар сони кам, аммо айримлари, хусусан Хитой кемалари, Эрон ҳудудий сувларидан хавфсиз ўтказилди.

Форс кўрфазидаги айрим араб давлатлари АҚШдан ҳарбий ҳаракатларни давом эттиришни талаб қилмоқда, чунки қўшинларни тез олиб чиқиш уларнинг хавфсизлигини заифлаштиради. Қатар ва Туркия ҳам можарони кенгайишдан сақлаш ва ўз манфаатларини ҳимоя қилишга ҳаракат қилмоқда.

Америкаликлар орасида эса урушга қарши муносабатлар кучаймоқда. Аризона, Пенсилвания, Жоржия ва Ню-Жерсида норозилик намойишлари кенгайди.

Туркия президенти Ражаб Тоййиб Эрдўғон урушнинг минтақадаги тўқнашувга айланишидан хавотир билдириб, дипломатик саъй-ҳаракатларни фаоллаштиришини маълум қилди.

Ҳозирда Ҳормуз бўғози ва Форс кўрфази минтақавий хавфсизлик, ҳарбий ҳаракатлар ва энергетика логистикаси учун энг муҳим нуқтага айланди.

Мафтуна БАХТИËРОВА тайёрлади