Ўзбекистонда камбағаллик даражаси 4,5 фоизгача қисқаради

Ҳар бир камбағал оила учун унинг имкониятлари ва хоҳиш-истакларини ҳисобга олган индивидуал режа ишлаб чиқилади. Лойиҳавий ёндашув доирасида “Бандлик органлари – иш берувчилар ҳамкори”, “Тенг имконият – инклюзив бандлик”, “Маҳаллада тадбиркорликни ривожлантириш” ва бошқа дастурлар орқали 1 миллион нафар камбағал қамраб олиниши режалаштирилган.

Ўзбекистон

10.12.2025, 15:14

Lotinchada

Улашиш:

Президент Шавкат Мирзиёев маҳаллаларни ишсизлик ва камбағалликдан холи ҳудудларга айлантириш, аҳоли бандлигини ошириш бўйича ишлар билан танишди. Йиғилишда мавжуд сустккашликлар ва ишга солинмаётган имкониятлар танқидий баҳоланди.

Маҳаллаларда камбағаллик ва ишсизликни камайтириш бўйича, аввало, ҳудудларнинг муаммолари ва “ўсиш нуқталари” аниқланиб, тизимли чора-тадбирлар ишлаб чиқилиши топширилди. Шундан ташқари, аҳоли мурожаатларини маҳаллаларда бевосита ҳал қилиш, оғир тоифадаги ҳудудларга инфратузилма, электр таъминоти, интернет ва томорқадан фойдаланиш имкониятларини кенгайтириш вазифалари белгилаб берилди.

2025 йилда мамлакатда камбағаллик даражаси 8,9 фоиздан 6 фоизга тушиши кутилмоқда. Келгуси йили эса бу кўрсаткич 4,5 фоизгача қисқартирилиши мақсад қилинган. Бунга эришиш учун маҳаллаларда барқарор бандликни таъминлаш, даромад манбаларини яратиш, аҳолини касб-ҳунарга ўқитиш ва тадбиркорликка жалб қилиш бўйича комплекс чоралар кўрилади.

Шунингдек, кичик ва ўрта лойиҳаларни амалга ошириш, чегара ва анклав ҳудудларда инфратузилмани яхшилаш, туристик маҳаллалар ва микросаноат марказларини ташкил этиш каби чора-тадбирлар ҳам кўриб чиқилди.

Президент мутасаддилarga маҳаллалардаги масалаларни манзилли ҳал қилиш ва бандлик ҳамда камбағалликни қисқартириш бўйича вазифаларни юқори масъулият билан амалга ошириш топшириғини берди.

Ўзбекистон

10.12.2025, 15:14

Улашиш:

#камбағаллик #бандлик

мавзуга оид янгиликлар