Ўзбекистонлик курашчилар U17 мусобақасини медальлар билан бошлади

Кеча бўлиб ўтган баҳсларда спортнинг юнон-рум кураши бўйича финал йўлланмасига эга бўлган Ҳусниддин Абдукаримов (-48 кг) кумуш медальни қўлга киритди. У финалда Эрон вакили Армин Шамсипурга имкониятни бой берган. 

Бронза медальлари учун баҳсларга киришадиган уч нафар ўзбекистонлик курашчининг фақат бир нафарига бронза медальи насиб қилди. Сардор Холмурзаев (-55 кг) учинчи ўрин учун кечган баҳсда рақибидан устун келиб, бронза медальини қўлга киритган. 

Қолган икки нафар спортчи Фаёзбек Эшмирзаев (-65 кг) ва Саидамир Неъматов (-110 кг)лар мусобақанинг учинчи ўрни учун кечган баҳсларда рақибларига имкониятни бой берди. 

Бугунги беллашувларда яна 4 нафар Ўзбекистон вакили бронза медальи учун ўтиш босқичида иштирок этади. Булар: 

-45 кг: Умиджон Каромов – Шаҳид Набиев (Озарбайжон) / Аҳмад Бадраддини (Эрон); 
-60 кг: Фарруҳ Йўлдошев – Али Абуносир (Иордания); 
-71 кг: Беҳруз Валиев – Жинхао Ву (Хитой) / Самвел Тертерян (Арманистон);
-92 кг: Фахрикамол Комилжонов – Патрик Будор (Хорватия).