Oʻzbekistonlik kurashchilar U17 musobaqasini medallar bilan boshladi

Kecha boʻlib oʻtgan bahslarda sportning yunon-rum kurashi boʻyicha final yoʻllanmasiga ega boʻlgan Husniddin Abdukarimov (-48 kg) kumush medalni qoʻlga kiritdi. U finalda Eron vakili Armin Shamsipurga imkoniyatni boy bergan. 

Bronza medallari uchun bahslarga kirishadigan uch nafar oʻzbekistonlik kurashchining faqat bir nafariga bronza medali nasib qildi. Sardor Xolmurzayev (-55 kg) uchinchi oʻrin uchun kechgan bahsda raqibidan ustun kelib, bronza medalini qoʻlga kiritgan. 

Qolgan ikki nafar sportchi Fayozbek Eshmirzayev (-65 kg) va Saidamir Neʼmatov (-110 kg)lar musobaqaning uchinchi oʻrni uchun kechgan bahslarda raqiblariga imkoniyatni boy berdi. 

Bugungi bellashuvlarda yana 4 nafar Oʻzbekiston vakili bronza medali uchun oʻtish bosqichida ishtirok etadi. Bular: 

-45 kg: Umidjon Karomov – Shahid Nabiyev (Ozarbayjon) / Ahmad Badraddini (Eron); 
-60 kg: Farruh Yoʻldoshev – Ali Abunosir (Iordaniya); 
-71 kg: Behruz Valiyev – Jinxao Vu (Xitoy) / Samvel Terteryan (Armaniston);
-92 kg: Faxrikamol Komiljonov – Patrik Budor (Xorvatiya).