Ўзбекистонликларнинг катта қисми ўртача кредит тарихига эга — КАТ

Маълум бўлишича, кредит олувчиларнинг 69 фоизи (654,6 минг нафар), 31 фоиз аёллар  (294,1 минг нафар). Скоринг балларига кўра:

401–500 балл (аъло): 80% эркаклар, 20% аёллар;

301–400 балл (яхши): 71% эркаклар, 29% аёллар;

201–300 балл (ўртача): 67% эркаклар, 33% аёллар;

101–200 балл (қониқарли): 71% эркаклар, 29% аёллар;

1–100 балл (ёмон): 74% эркаклар, 26% аёллар.

Фото: KATM

Ҳудудлар кесимида эса энг кўп кредитга эга жисмоний шахслар Тошкент шаҳрига тўғри келган — 19,4% (184,4 минг нафар). Кейинги ўринларда Тошкент вилояти (11,9%), Самарқанд вилояти (8,3%) ва Фарғона вилояти (7,6%) турибди.

Фото: KATM

Юридик шахслар кесимида

Скоринг балларига кўра:

201–300 балл (ўртача) энг катта улушни эгаллаб, 74 фоизни (6,4 минг ташкилот) ташкил этади.

Яхши балл (301–400) — 16%, аъло (401–500) — 3%, қониқарли (101–200) — 6%, ёмон (1–100) — 1%.

Ҳудудлар бўйича энг катта улуш Тошкент шаҳрига тўғри келади — 71,1% (6,1 минг ташкилот). Қолган ҳудудларда кўрсаткич анча паст: Фарғона вилояти — 3,6%, Андижон вилояти — 3,2%, Самарқанд вилояти — 3,1%, Тошкент вилояти — 2,9%.

Кредит тарихи қандай текширилади?

Кредит тарихини билишнинг бир нечта усуллари бор. Жумладан, Ягона интерактив давлат хизматлари портали (my.gov.uz/uz) орқали ҳам кредит тарихи ҳақида маълумот олиш мумкин.

Хизматдан фойдаланиш учун OneID орқали тизимга кирилади ва «Иқтисодиёт ва бизнес» бўлимидаги «Кредит тарихини олиш» хизмати танланади.

Ариза шакли тўлдирилиб, маълумотлар тасдиқланади. Телефон рақамига ариза рақами билан СМС-хабар юборилади. Кредит скоринги натижалари My.gov.uz шахсий кабинетида пайдо бўлади.

Хизматдан биринчи марта фойдаланиш бепул, кейинги мурожаатлар  жисмоний шахслар учун Ягона портал орқали топширилганда 14 832 сўм.

Эслатиб ўтамиз, Ўзбекистонда икки ойда 73 минг киши ўз номига кредит расмийлаштиришни тақиқлаган эди.