Oʻzbekistonliklarning katta qismi oʻrtacha kredit tarixiga ega — KAT

Maʼlum boʻlishicha, kredit oluvchilarning 69 foizi (654,6 ming nafar), 31 foiz ayollar  (294,1 ming nafar). Skoring ballariga koʻra:

401–500 ball (aʼlo): 80% erkaklar, 20% ayollar;

301–400 ball (yaxshi): 71% erkaklar, 29% ayollar;

201–300 ball (oʻrtacha): 67% erkaklar, 33% ayollar;

101–200 ball (qoniqarli): 71% erkaklar, 29% ayollar;

1–100 ball (yomon): 74% erkaklar, 26% ayollar.

Foto: KATM

Hududlar kesimida esa eng koʻp kreditga ega jismoniy shaxslar Toshkent shahriga toʻgʻri kelgan — 19,4% (184,4 ming nafar). Keyingi oʻrinlarda Toshkent viloyati (11,9%), Samarqand viloyati (8,3%) va Fargʻona viloyati (7,6%) turibdi.

Foto: KATM

Yuridik shaxslar kesimida

Skoring ballariga koʻra:

201–300 ball (oʻrtacha) eng katta ulushni egallab, 74 foizni (6,4 ming tashkilot) tashkil etadi.

Yaxshi ball (301–400) — 16%, aʼlo (401–500) — 3%, qoniqarli (101–200) — 6%, yomon (1–100) — 1%.

Hududlar boʻyicha eng katta ulush Toshkent shahriga toʻgʻri keladi — 71,1% (6,1 ming tashkilot). Qolgan hududlarda koʻrsatkich ancha past: Fargʻona viloyati — 3,6%, Andijon viloyati — 3,2%, Samarqand viloyati — 3,1%, Toshkent viloyati — 2,9%.

Kredit tarixi qanday tekshiriladi?

Kredit tarixini bilishning bir nechta usullari bor. Jumladan, Yagona interaktiv davlat xizmatlari portali (my.gov.uz/uz) orqali ham kredit tarixi haqida maʼlumot olish mumkin.

Xizmatdan foydalanish uchun OneID orqali tizimga kiriladi va «Iqtisodiyot va biznes» boʻlimidagi «Kredit tarixini olish» xizmati tanlanadi.

Ariza shakli toʻldirilib, maʼlumotlar tasdiqlanadi. Telefon raqamiga ariza raqami bilan SMS-xabar yuboriladi. Kredit skoringi natijalari My.gov.uz shaxsiy kabinetida paydo boʻladi.

Xizmatdan birinchi marta foydalanish bepul, keyingi murojaatlar  jismoniy shaxslar uchun Yagona portal orqali topshirilganda 14 832 soʻm.

Eslatib oʻtamiz, Oʻzbekistonda ikki oyda 73 ming kishi oʻz nomiga kredit rasmiylashtirishni taqiqlagan edi.