Жаҳон банки яна Ўзбекистонга имтиёзли кредит ажратди

Қайд этилишича, мазкур лойиҳа давлат хизматларини рақамлаштиришга ёрдам беради ва бутун мамлакат бўйлаб ҳудудларни ривожлантиришга ҳисса қўшади.

Келтирилган маълумотга кўра, лойиҳага Ўзбекистон ҳукумати тахминан 5,7 миллион АҚШ доллар ажратади.

"Давлат органлари ва хусусий сектор ўртасида фазовий маълумотлар алмашинувини такомиллаштириш, кадастр базаси хариталарини яратишни якунлаш, коммунал линиялар реестрини шакллантириш, ҳудудий ҳокимият органларининг геофазовий маълумотларни бошқариш соҳасидаги салоҳиятини кучайтириш устувор вазифалардан иборат. Жаҳон банки ҳукуматга ушбу соҳаларда муваффақиятга эришишда ёрдам берадиган ушбу янги лойиҳани қўллаб-қувватлашдан мамнун", деган Жаҳон банкининг Марказий Осиё бўйича директори Татяна Проскурякова.

Лойиҳа Ўзбекистон Иқтисодиёт ва Молия вазирлиги ҳузуридаги Кадастр агентлиги томонидан 2025-2030 йилларда амалга оширилади ва қуйидаги таркибий қисмларни ўз ичига олади:

1-компонент: Миллий фазовий маълумотлар инфратузилмасини ( NSDI) марказий даражада ривожлантиришни қўллаб-қувватлаш . Лойиҳа НИДПни Ўзбекистон электрон ҳукуматининг рақамли экотизимига янада интеграциялашуви бўйича қатор тадбирларни амалга ошириш имконини беради.

2-компонент: Минтақавий ва шаҳар даражасида геофазовий инфратузилмани мустаҳкамлаш. Лойиҳа минтақавий ва муниципал даражадаги хариталаш ва геодезия тизимларини такомиллаштириш ҳамда миллий геодезия ва хариталаш ускуналари ва дастурий таъминотини янгилайди, жумладан, GPS маълумотларини олиш учун 80 та янги доимий ишлайдиган маълумот станцияларини (CОRС) ўрнатишни ўз ичига олади. Ушбу чора-тадбирлар бутун мамлакат бўйлаб маълумотлар ва ер ресурслари маълумотларини хариталашнинг аниқлигини оширади.

Эслатиб ўтамиз, аввалроқ Жаҳон банки Ўзбекистондаги электр тармоқларини модернизация қилиш учун 100 миллион АҚШ долларлик имтиёзли кредит ажратган эди.