Қозоғистонда мисли кўрилмаган даражадаги сув тошқинлари кузатилмоқда, Тоқаев халқига мурожаат билан чиқди

Сўнгги 80 йил ичидаги энг йириги дея таърифланаётган тошқинлар натижасида Ақмола, Ақтўбе, Атирау, Қўстанай, Павлодар, Шимолий Қозоғистон ва Ғарбий Қозоғистон вилоятларидаги 3702 та турар-жой бинолари, 562 та ҳовлилар, 1822 та қишлоқ уйлари ва 73 та турли мақсадлардаги бинолар вайрон бўлди, 155 та автомобил йўллари тошқинда қолди.

Жаҳон

08.04.2024, 14:39

Lotinchada

Улашиш:

Tokayev xalqiga murojaat bilan chiqdi

Тошқин зоналаридан 72 284 киши, жумладан 17 217 нафар болалар қутқарилган ва эвакуация қилинган. Уйлари сув остида қолган 14 430 нафар қозоғистонлик вақтинчалик бошпаналарга жойлаштирилган. Тошқин оқибатларини бартараф этиш учун минглаб кўнгиллилар ва аскарлар Фавқулотда вазиятлар вазирлиги ходимларига кўмаклашмоқда.

Вазият юзасидан Президент Тоқаев Қозоғистон халқига мурожаат билан чиқди.

Сув тошқинидан жабр кўрган фуқароларга мурожаат қилиб, шуни маълум қилмоқчиман: ҳеч бирингиз давлат эътиборидан четда қолмайсиз, барчангизга моддий ва бошқа зарур ёрдам кўрсатилади, барча моддий йўқотишларингиз қопланади.
Биз бу катта тошқинлардан барча сабоқларни олишимиз керак. Табиий офатларнинг олдини олиш бўйича ташкилий чора-тадбирлардаги камчиликлардан тортиб, сув ходимларининг етишмаслигидан тортиб, табиатга нисбатан менсимайдиган муносабатимизгача кўп.
Ҳукумат ва маҳаллий ҳокимият органлари сув тошқинларига қарши курашни самарали мувофиқлаштиришда давом этишлари керак...

Мен оммавий ахборот воситалари, фикр етакчилари ва блогерларга мурожаат қиламан: ваҳима қўзғатувчи тасдиқланмаган маълумотларни тарқатманг.
Бундай вазиятда давлат ва жамиятни бирлаштиришга қаратилган ҳаракатлар алоҳида аҳамиятга эга.
Фуқаролардан фақат расмий ахборот манбаларига ишонишларини сўрайман.
Табиий офатга қарши курашда қатнашган қутқарувчилар, полиция ходимлари, кўнгиллилар ва барча манфаатдор фуқароларга ўз миннатдорчилигимни билдираман.
Мамлакатимиз учун оғир бўлаётган ушбу оғир дамда жамиятимизнинг бирлиги ва ҳамжиҳатлиги ҳар қачонгидан ҳам муҳимроқдир.
Ишончим комилки, биз биргаликда бу офатни албатта енгамиз!

Вазият юзасидан Қирғизистон Қозоғистонга 300 тонна гуманитар ёрдан жўнатди.

Жаҳон

08.04.2024, 14:39

Улашиш:

#қозогистон #сув тошқини #токаев

мавзуга оид янгиликлар