Qozogʻistonda misli koʻrilmagan darajadagi suv toshqinlari kuzatilmoqda, Toqayev xalqiga murojaat bilan chiqdi

Toshqin zonalaridan 72 284 kishi, jumladan 17 217 nafar bolalar qutqarilgan va evakuatsiya qilingan. Uylari suv ostida qolgan 14 430 nafar qozogʻistonlik vaqtinchalik boshpanalarga joylashtirilgan. Toshqin oqibatlarini bartaraf etish uchun minglab koʻngillilar va askarlar Favqulotda vaziyatlar vazirligi xodimlariga koʻmaklashmoqda. 

Vaziyat yuzasidan Prezident Toqayev Qozogʻiston xalqiga murojaat bilan chiqdi. 

Suv toshqinidan jabr koʻrgan fuqarolarga murojaat qilib, shuni maʼlum qilmoqchiman: hech biringiz davlat eʼtiboridan chetda qolmaysiz, barchangizga moddiy va boshqa zarur yordam koʻrsatiladi, barcha moddiy yoʻqotishlaringiz qoplanadi.

Biz bu katta toshqinlardan barcha saboqlarni olishimiz kerak. Tabiiy ofatlarning oldini olish boʻyicha tashkiliy chora-tadbirlardagi kamchiliklardan tortib, suv xodimlarining yetishmasligidan tortib, tabiatga nisbatan mensimaydigan munosabatimizgacha koʻp.

Hukumat va mahalliy hokimiyat organlari suv toshqinlariga qarshi kurashni samarali muvofiqlashtirishda davom etishlari kerak...

Men ommaviy axborot vositalari, fikr yetakchilari va blogerlarga murojaat qilaman: vahima qoʻzgʻatuvchi tasdiqlanmagan maʼlumotlarni tarqatmang.

Bunday vaziyatda davlat va jamiyatni birlashtirishga qaratilgan harakatlar alohida ahamiyatga ega.

Fuqarolardan faqat rasmiy axborot manbalariga ishonishlarini soʻrayman.

Tabiiy ofatga qarshi kurashda qatnashgan qutqaruvchilar, politsiya xodimlari, koʻngillilar va barcha manfaatdor fuqarolarga oʻz minnatdorchiligimni bildiraman.

Mamlakatimiz uchun ogʻir boʻlayotgan ushbu ogʻir damda jamiyatimizning birligi va hamjihatligi har qachongidan ham muhimroqdir.

Ishonchim komilki, biz birgalikda bu ofatni albatta yengamiz!

Vaziyat yuzasidan Qirgʻiziston Qozogʻistonga 300 tonna gumanitar yordan joʻnatdi.