Қозоғистонда табиий офат оқибатларига қарши курашиш учун тадбиркорлар миллионлаб доллар хайрия қилмоқда

Бизнесмен Сергей Кан тошқин қурбонларига ёрдам бериш учун 1,5 миллиард тенге (ҳозирги курс билан 3,366,000 доллар) ажратди. Маблағлар шошилинч ёрдам кўрсатиш, шунингдек, фавқулодда вазиятлар натижасида уй-жойлари бузилган ёки вайрон бўлган қозоғистонликлар учун инфратузилмани тиклаш ва уй-жой қуриш бўйича чора-тадбирларни амалга оширишга йўналтирилади.

Сергей Кан Қозоғистоннинг энг бадавлат бизнесменларидан бири бўлиб Форбес талқинига кўра 418 000 000 доллар бойликка эга.

Шунингдек, Қозоғистонлик тадбиркор Кенес Ракишев ва “Саби” хайрия жамғармаси президенти Асел Тасмагамбетова ҳам табиий офатдан жабрланганларга кўмаклашиш учун 1,2 миллиард тенге маблағ ажратишган.

Эслатиб ўтамиз, Ўзбекистон 20 апрель куни 15 та юк машинада Қозоғистонга инсонпарварлик ёрдами жўнатган эди.