Qozogʻistonda tabiiy ofat oqibatlariga qarshi kurashish uchun tadbirkorlar millionlab dollar xayriya qilmoqda

Biznesmen Sergey Kan toshqin qurbonlariga yordam berish uchun 1,5 milliard tenge (hozirgi kurs bilan 3,366,000 dollar) ajratdi. Mablagʻlar shoshilinch yordam koʻrsatish, shuningdek, favqulodda vaziyatlar natijasida uy-joylari buzilgan yoki vayron boʻlgan qozogʻistonliklar uchun infratuzilmani tiklash va uy-joy qurish boʻyicha chora-tadbirlarni amalga oshirishga yoʻnaltiriladi.

Sergey Kan Qozogʻistonning eng badavlat biznesmenlaridan biri boʻlib Forbes talqiniga koʻra 418 000 000 dollar boylikka ega.

Shuningdek, Qozogʻistonlik tadbirkor Kenes Rakishev va “Sabi” xayriya jamgʻarmasi prezidenti Asel Tasmagambetova ham tabiiy ofatdan jabrlanganlarga koʻmaklashish uchun 1,2 milliard tenge mablagʻ ajratishgan.

Eslatib oʻtamiz, Oʻzbekiston 20 aprel kuni 15 ta yuk mashinada Qozogʻistonga insonparvarlik yordami joʻnatgan edi.