Самарқандда олтин қазиб олмоқчи бўлган икки фуқаро ҳалок бўлди

Унга кўра, жорий йилнинг 8 январь куни соат 20:00 ларда Пахтачи тумани "Гулистон" маҳалласида яшовчи фуқаролар Ж.С., Ў.Э., С.Н., Ю.А. ва Э.Б.лар шу туманнинг "Қарнабота" МФЙ ҳудудида жойлашган "Қорақўтон" тоғ конига қарашли маҳаллий тил билан "Найман чўққи" шахтасига борган. 

Шу жараёнда улар генератор ва бошқа ускуналар ёрдамида таркибида олтин моддаси бўлган тошларни ковлаб олаётган вақтида генератордан чиққан ис газидан заҳарланган. Оқибатда фуқаро Ж.С. ва Ў.Э.лар шахта ичи пастки қисмига йиқилиб, шахта девори тошларига урилиб, воқеа жойида вафот этган. 

Шунингдек, фуқаро С.Н., Ю.А., Э.Б. ис газидан заҳарланиш билан 10 январь куни соат 03:30 ларда туман марказий шифохонасига келтирилган. 

Ҳозирда, марҳум Ж.С. ва Ў.Э.лар ўлими юзасидан судга оид тиббиёт экспертизаси тайинланиб, ҳолат юзасидан Пахтачи туман прокуратураси томонидан терговга қадар текширув ҳаракатлари олиб борилмоқда.