Samarqandda oltin qazib olmoqchi boʻlgan ikki fuqaro halok boʻldi

Unga koʻra, joriy yilning 8 yanvar kuni soat 20:00 larda Paxtachi tumani "Guliston" mahallasida yashovchi fuqarolar J.S., Oʻ.E., S.N., Yu.A. va E.B.lar shu tumanning "Qarnabota" MFY hududida joylashgan "Qoraqoʻton" togʻ koniga qarashli mahalliy til bilan "Nayman choʻqqi" shaxtasiga borgan. 

Shu jarayonda ular generator va boshqa uskunalar yordamida tarkibida oltin moddasi boʻlgan toshlarni kovlab olayotgan vaqtida generatordan chiqqan is gazidan zaharlangan. Oqibatda fuqaro J.S. va Oʻ.E.lar shaxta ichi pastki qismiga yiqilib, shaxta devori toshlariga urilib, voqea joyida vafot etgan. 

Shuningdek, fuqaro S.N., Yu.A., E.B. is gazidan zaharlanish bilan 10 yanvar kuni soat 03:30 larda tuman markaziy shifoxonasiga keltirilgan. 

Hozirda, marhum J.S. va Oʻ.E.lar oʻlimi yuzasidan sudga oid tibbiyot ekspertizasi tayinlanib, holat yuzasidan Paxtachi tuman prokuraturasi tomonidan tergovga qadar tekshiruv harakatlari olib borilmoqda.