Шахмат Олимпиадасида ўзбекистонлик спортчилар яна бир ғалабага эришди

Унда Ўзбекистон йигитлар терма жамоаси Миср терма жамоасига, Ўзбекистон қизлар терма жамоаси эса Ангола қизлар терма жамоасига қарши дона сурди. Якуний натижаларга кўра, йигитлар Миср терма жамоасини 3,5:0,5 ҳисобида, қизлар эса Ангола терма жамоасини 3:1 ҳисобида мағлуб этиб, ишончли ғалабага эришди. 

Ўзбекистон йигитлар терма жамоасидан Нодирбек Абдусатторов рақиби Адҳам Файзийни, Нодирбек Якубов рақиби Карейм Вагейхни, Шамсиддин Воҳодов рақиби Садик Самэни 1:0 натижа билан мағлуб этган бўлса, Жавоҳир Синдаров рақиби Вафо Ҳамид билан 0,5:0,5 натижа орқали дуранг ўйинни қайд этди. 

Қизлар терма жамоасидан эса Афруза Ҳамдамова рақиби Паула Жеммани, Умида Oмонова рақиби Жуниор Эднасиани, Маржона Маликова рақиби Пирес Лузиани 1:0 натижа билан енгди. Аммо ўзбекистонлик шахматчи Нилуфар Якуббаева Анголаклик спортчи Cахита Эспераиниcага имкониятни бой берди. 

Эслатиб ўтамиз, бундан олдинги ўйинда Ўзбекистон йигитлар терма жамоаси Тринидад ва Тобаго Республикасининг йигитлар терма жамоасини 3,5:0,5 ҳисобида, қизлар терма жамоаси эса Гаити Республикасининг терма жамоасини 4:0 ҳисобида енган эди.