Келаси ҳафта Сеул Марказий Осиё саммитига мезбонлик қилади – Жанубий Корея президенти

Жанубий Корея президенти Ли Же Мён 11 сентябрь куни келаси ҳафта Марказий Осиёнинг беш давлати раҳбарларини жамлайдиган илк “Жанубий Корея – Марказий Осиё” саммитига мезбонлик қилишини маълум қилди. Бу ҳақда Reuters ёзди.

“Ушбу саммит орқали Жанубий Корея ва Марказий Осиё ўртасидаги муносабатлар раҳбарлар даражасидаги кўп томонлама ҳамкорлик тизимида мустаҳкамланади ҳамда биз юритаётган “Янги Шимолий сиёсат”га янги суръат бағишланиши кутилмоқда”, — деди Ли телевидение орқали қилган мурожаатида.

Президент матбуот котиби Кан Ю Жуннинг сўзларига кўра, қўшма саммит арафасида, 14–16 сентябрь кунлари Марказий Осиёнинг ҳар бир давлат раҳбари билан алоҳида икки томонлама учрашувлар ўтказиш режалаштирилган.

Ушбу саммит Жанубий Корея ва Марказий Осиёнинг етакчилар даражасидаги илк кўп томонлама учрашуви бўлиб, савдо, сармоя, энергетика, стратегик муҳим минераллар ва таъминот занжирлари каби соҳаларда ҳамкорликни мустаҳкамлашга қаратилган.

Собиқ президент Мун Чже Ин даврида йўлга қўйилган Сеулнинг “Янги шимолий сиёсати” Марказий Осиё ва Евросиёдаги бошқа ҳамкорлар билан иқтисодий, энергетика ва инфратузилма алоқаларини чуқурлаштиришни мақсад қилган.