Қозоғистон "Иброҳим келишувлари"га қўшилмоқчи

 Бу ҳақда Қозоғистон президенти матбуот хизмати — «Акорда» хабар берди.

“Қозоғистоннинг бу қарори ҳеч бир давлат билан икки томонлама муносабатларга таъсир қилмайди. Бу — кўпқиррали дипломатия ва минтақавий хавфсизликка ҳисса қўшишдир,” — деди Тоқаев.

Доналд Трамп эса Қозоғистон қарорини олқишлаб, уни “дунё бўйлаб тинчлик кўприкларини қуриш йўлидаги муҳим қадам” деб атади.

“Бугун кўплаб мамлакатлар мен бошлаб берган ‘Иброҳим келишувлари’ орқали тинчлик ва фаровонлик йўлини танламоқда,” — деди АҚШ президенти.

Маълумот учун, «Иброҳим келишувлари» 2020 йилда АҚШ президенти Доналд Трамп ташаббуси билан имзоланган халқаро битим бўлиб, Исроил ва бир қатор араб давлатлари (БАА, Баҳрайн, Судан, Марокаш) ўртасида дипломатик муносабатларни ўрнатган.

Қозоғистоннинг мазкур ташаббусга қўшилиши Марказий Осиё мамлакатлари орасида илк ҳолат ҳисобланади.