Qozogʻiston "Ibrohim kelishuvlari"ga qoʻshilmoqchi

 Bu haqda Qozogʻiston prezidenti matbuot xizmati — «Akorda» xabar berdi.

“Qozogʻistonning bu qarori hech bir davlat bilan ikki tomonlama munosabatlarga taʼsir qilmaydi. Bu — koʻpqirrali diplomatiya va mintaqaviy xavfsizlikka hissa qoʻshishdir,” — dedi Toqayev.

Donald Tramp esa Qozogʻiston qarorini olqishlab, uni “dunyo boʻylab tinchlik koʻpriklarini qurish yoʻlidagi muhim qadam” deb atadi.

“Bugun koʻplab mamlakatlar men boshlab bergan ‘Ibrohim kelishuvlari’ orqali tinchlik va farovonlik yoʻlini tanlamoqda,” — dedi AQSh prezidenti.

Maʼlumot uchun,«Ibrohim kelishuvlari» 2020 yilda AQSh prezidenti Donald Tramp tashabbusi bilan imzolangan xalqaro bitim boʻlib, Isroil va bir qator arab davlatlari (BAA, Bahrayn, Sudan, Marokash) oʻrtasida diplomatik munosabatlarni oʻrnatgan.

Qozogʻistonning mazkur tashabbusga qoʻshilishi Markaziy Osiyo mamlakatlari orasida ilk holat hisoblanadi.