Сўнгги 9 ойда тез ёрдамга 10 миллионга яқин чақириқ бўлди — ССВ

Республика тез тиббий ёрдам маркази директори Абдувоитжон Гафуровга кўра, шу йил январь-сентябрь ойларида тез ёрдамга жами 9 миллион 958 минг 507 та мурожаат қайд этилган.

"Бажарилган чақирувларнинг аксарияти, яъни 7 миллион 107 минг 703 таси шошилинч кўрсатма билан, шундан сурункали касалликлар — 2 миллион 531 минг 699 та ва туғуруқлар — 64 минг 446 тасини ташкил қилган", дейди у.

"103"га мурожаат қилган фуқароларнинг кўпчилиги Фарғона, Андижон, Наманган,Тошкент вилояти ҳамда Тошкент шаҳридан бўлган. Жумладан, 1 040 546 та чақириқ Фарғона вилоятидан, 1 013 131 таси Андижон вилоятидан, 933 600 таси Наманган вилоятидан, 1 007 327 таси Тошкент шаҳридан, 933 600 таси Тошкент вилоятидан қилинган қўнғироқлар бўлган. 

Энг кам чақириқ эса Навоий (296 046 та), Сирдарё (335 010 та), Жиззах (399 342 та) Бухоро (482 325 та) ҳамда Хоразм вилоятларида (489 761 та) кузатилган. 

Маълумот учун, бугунги кунда тез ёрдамга хизматида жами 2 853 та тиббий бригада фаолият олиб бормоқда.