Абдуқодир Ҳусанов Осиёнинг 2025 йилдаги энг яхши ёш футболчиси деб топилди

Қайд этилишича, ўтган йил 21 ёшли футболчи фаолиятида тарихий аҳамиятга эга бўлди. Хусусан, январь ойида Ҳусанов «Манчестер Сити» сафига қўшилиб, Англия Премьер-лигасида дебют қилган илк ўзбекистонлик футболчи сифатида тарихга кирди.

Июнь ойида эса у Ўзбекистон миллий терма жамоаси билан бирга жамоани Жаҳон чемпионатига олиб чиқишга муносиб ҳисса қўшди. Жорий мавсумда марказий ҳимоячи «шаҳарликлар» сафида тўққизта учрашувда майдонга тушган.

«Goalpost» томонидан ўтказилган сўровнома натижаларига кўра, Абдуқодир Ҳусанов Осиёнинг қатор истиқболли ёш футболчиларини ортда қолдирди. Улар орасида:

— Аббосбек Файзуллаев («Истанбул Башакшеҳир», Ўзбекистон);
— Нестори Иранкунда («Уотфорд», Австралия);
— Марселиньо Фердинанд («Оксфорд Юнайтед», Индонезия);
— Ли Хан Бом («Мидтюлланд», Жанубий Корея);
— Али Жасим («Комо» / «Ан-Нажма», Ироқ).

Шунингдек, Абдуқодир Ҳусанов «The Athletic» нашри тузган дунёнинг энг кучли 100 нафар футболчиси рейтингида 86-ўринни эгаллади.