Беҳруз Каримовга Франциянинг «Ленс» клуби қизиқиш билдирмоқда

Постда қайд этилишича, 18 ёшли ўзбекистонлик ўнг қанот ҳимоячиси ёшлар ўртасидаги жаҳон чемпионатидаги ишончли ўйини орқали Европанинг бир қатор клублари эътиборини тортган. Хусусан, РC Ленс ҳам футболчига жиддий қизиқиш билдирмоқда.

Шунингдек, саҳифа Каримовнинг Ўзбекистон терма жамоаси ҳимоячиси Абдуқодир Ҳусанов билан бир агентга эга эканини таъкидлаб, бу трансфер амалга ошишига ижобий таъсир кўрсатиши мумкинлигини ёзган.

Постда Беҳруз Каримовнинг аввалроқ билдирган қуйидаги фикри ҳам келтирилган:

"Мен учун энг муҳими — мунтазам ўйин амалиётига эга бўлиш, хориж чемпионатида ўзимни кўрсатиш, тажриба орттириш ва кейинчалик Европанинг йирик клубларидан бирига ўтиш."

Ҳозирча Беҳруз Каримовнинг РC Ленсга трансфери бўйича клуб ёки футболчи томони томонидан расмий маълумот берилмаган.