Футбол бўйича 2026-йилги жаҳон чемпионатини Хитой ва Ҳиндистон кўролмаслиги мумкин

ФИФА Жаҳон чемпионати бошланишига бир неча ҳафта қолган бўлса-да, Хитой ва Ҳиндистонда медиа ҳуқуқларини сотиш бўйича музокаралар ҳали тугамаганини маълум қилди.

Спорт

05.05.2026, 15:59

Lotinchada

Улашиш:

Футбол бўйича 2026-йилги жаҳон чемпионатини Хитой ва Ҳиндистон кўролмаслиги мумкин

Paradigma.uz

Дунёнинг аҳолиси энг кўп бўлган икки давлатидаги миллионлаб футбол мухлислари Ҳиндистонда трансляция ҳуқуқи бўйича музокаралар боши берк кўчага кириб қолгани ва Хитойда бу борада расмий қарор қабул қилинмагани сабабли келаси ой бошланадиган футбол бўйича Жаҳон чемпионатини томоша қила олмаслиги мумкин.

На Ҳиндистонда, на Хитойда трансляция бўйича келишув эълон қилингани йўқ. Ваҳоланки, ФИФА маълумотларига кўра, 2022-йилги Жаҳон чемпионати вақтида дунё бўйича рақамли ва ижтимоий платформалардаги жами кўришларнинг 49,8 фоизи Хитой ҳиссасига тўғри келган.

ФИФА камида 175 та мамлакатдаги телерадиокомпаниялар билан шартномалар тузганини маълум қилди.

“Хитой ва Ҳиндистонда ФИФА Жаҳон чемпионати–2026 медиаҳуқуқларини сотиш бўйича музокаралар давом этмоқда ва ҳозирча бу маълумот махфий қолиши керак”, — дейилади баёнотда.

Айни босқичда Ҳиндистон ёки Хитой билан трансляция бўйича тасдиқланган шартноманинг йўқлиги ноодатий ҳолатдир.

Ўтган жаҳон чемпионатларида, жумладан, 2018 ва 2022 йилларда Хитойнинг CCTV давлат телерадиокомпанияси ҳуқуқларни анча олдин қўлга киритиб, мусобақа бошланишидан бир неча ҳафта аввал реклама материаллари ва ҳомийлар рекламаларини эфирга узатишни бошлаган эди.

2026-йилги турнир 11 июнь куни бошланади, бу эса келишувни якунлаш, трансляция инфратузилмасини йўлга қўйиш ва реклама шартномаларига эришиш учун атиги беш ҳафта вақт қолганини англатади.

Спорт

05.05.2026, 15:59

Улашиш: