Тошкентда бешта автобус йўналиши вақтинча ўзгартирилади

Veolia Energy Ташкент маълумотига кўра, Сергели туманидаги Қумариқ кўчасида 325 мм диаметрли ва 1000 метр узунликдаги иссиқлик тармоқлари алмаштирилади. Шу муносабат билан 2–15 октябрь кунлари йўл ёпилади.

Шу давр мобайнида қуйидаги автобус йўналишлари ҳаракат йўналиши ўзгартирилади:

61-йўналиш – А.С. Банокатий, Г. Алиев, Темирйўлчилар, Кичик ҳалқа йўли, Бобур кўчалари орқали;

106-йўналиш – Сарикўл, Кичик ҳалқа йўли, Бобур кўчалари орқали;

40-йўналиш – Бобур, Кичик ҳалқа йўли, Туркистон кўчалари, Тошкент вокзали, Темирйўлчилар, А.С. Банокатий кўчалари орқали РЕТ заводи бекатигача;

66-йўналиш – Қумариқ, Бобур, Кичик ҳалқа йўли, Туркистон кўчалари, Тошкент вокзали, Меҳржон, 8-Март, Эски Сарикўл, Янги Замон, Сарикўл, А.С. Банокатий кўчалари орқали РЕТ заводи бекатигача;

52-йўналиш – Локомотив кўчаси бекати ва Тошкент вокзали оралиғида.

Йўловчилардан вақтинчалик ўзгаришларни инобатга олиб, сафарларини олдиндан режалаштириш сўралади.

Эслатма: таъмирлаш ишлари давомида кўчаларда тирбандлик ортиши мумкин. Шу сабабли автобус йўналишларига қўшимча ўзгаришлар киритилиши эҳтимолдан холи эмас.