Toshkentda beshta avtobus yoʻnalishi vaqtincha oʻzgartiriladi

Veolia Energy Tashkent maʼlumotiga koʻra, Sergeli tumanidagi Qumariq koʻchasida 325 mm diametrli va 1000 metr uzunlikdagi issiqlik tarmoqlari almashtiriladi. Shu munosabat bilan 2–15 oktabr kunlari yoʻl yopiladi.

Shu davr mobaynida quyidagi avtobus yoʻnalishlari harakat yoʻnalishi oʻzgartiriladi:

61-yoʻnalish – A.S. Banokatiy, G. Aliyev, Temiryoʻlchilar, Kichik halqa yoʻli, Bobur koʻchalari orqali;

106-yoʻnalish – Sarikoʻl, Kichik halqa yoʻli, Bobur koʻchalari orqali;

40-yoʻnalish – Bobur, Kichik halqa yoʻli, Turkiston koʻchalari, Toshkent vokzali, Temiryoʻlchilar, A.S. Banokatiy koʻchalari orqali RET zavodi bekatigacha;

66-yoʻnalish – Qumariq, Bobur, Kichik halqa yoʻli, Turkiston koʻchalari, Toshkent vokzali, Mehrjon, 8-Mart, Eski Sarikoʻl, Yangi Zamon, Sarikoʻl, A.S. Banokatiy koʻchalari orqali RET zavodi bekatigacha;

52-yoʻnalish – Lokomotiv koʻchasi bekati va Toshkent vokzali oraligʻida.

Yoʻlovchilardan vaqtinchalik oʻzgarishlarni inobatga olib, safarlarini oldindan rejalashtirish soʻraladi.

Eslatma: taʼmirlash ishlari davomida koʻchalarda tirbandlik ortishi mumkin. Shu sababli avtobus yoʻnalishlariga qoʻshimcha oʻzgarishlar kiritilishi ehtimoldan xoli emas.