Трамп билан Путин нималар ҳақида гаплашди

Трамп музокаралар “жуда самарали ва маҳсулдор” ўтганини таъкидлаган. “Биз катта ютуқларга эришдик, аммо келишув тузилмагунча йўл йўқ”, деган у. Трамп НАТО ва Украина президенти Владимир Зеленский билан алоҳида гаплашишини, кейинги қадам эса Кйив томонида бўлишини айтган. Путин эса Украина хавфсизлиги таъминланиши зарурлигини эътироф этган, бироқ урушнинг “илдиз сабаблари” бартараф этилмас экан, барқарор тинчлик бўлиши қийинлигини билдирган.

Икки лидер матбуот анжуманида баъзи саволларга жавоб бермаган. Путин қисқа нутқида AQ–Россия алоқалари сўнгги йилларда “Совуқ урушдан кейинги энг паст нуқтага” тушиб қолганини эслатган ва учрашув “кўпдан бери кутилганини” айтган. Трамп эса Путин билан “ҳар доим яхши муносабатда бўлганини”, лекин биринчи президентлиги даврида “Россия аралашуви” ҳақидаги терговлар бунга тўсқинлик қилганини таъкидлаган.

Путин кейинги учрашувни Москвада ўтказишни таклиф қилганида, Трамп бу ғоя баҳсли бўлишини тан олиб, “эҳтимол мумкин”, деган. Россия раҳбари, шунингдек, Трамп 2022 йилда президент бўлганида уруш бошланмаган бўлишини таъкидлаган.

Баҳсли масалалар ва сиёсий изоҳлар

Трамп Fox Неwсъга берган интервьюсида Путин билан “асосан ер алмашинуви ва хавфсизлик кафолатлари” бўйича келишилганини айтиб, учрашувни “10 баллик” деб баҳолаган. Аммо якуний келишувнинг Зеленскийнинг розилигига боғлиқ эканини билдирган: “Зеленский битим қилиши керак”.

Собиқ миллий хавфсизлик маслаҳатчиси Жон Болтоннинг айтишича, учрашувда “Трамп ютқазмаган бўлса ҳам, Путин аниқ ғолиб чиқди”. Чунки Россия раҳбари санкциялардан қочган, сулҳга рози бўлмаган ва кейинги босқичларни ўз фойдасига йўналтириш имконини олган. Демократ сенатор Ричард Блументҳал эса учрашувни “ҳеч нарса бермаган саммит” деб атаб, Путинни “уруш жиноятчиси” дея қаттиқ танқид қилган.

CNN шарҳловчиларига кўра, Путин учрашувдан икки катта ютуқ билан қайтдган AQ томонидан қизил гилам билан кутиб олиниши ва вақт ютиб, фронтда қўшинларига имконият очиб бериши. Трамп эса кўпроқ Зеленский ва НАТО зиммасига масъулиятни юклаган.

Қизиқарли тафсилотлар

Учрашув бошланишида Трамп одатдагидан фарқли ўлароқ сукут сақлаган. Путин эса журналистлар берган “сулҳга розимисиз?” деган саволларга жавоб бермай, ўзини худди эшитмагандек кўрсатган.

Матбуот анжуманида Трамп ва Путин атиги 12 дақиқа сўзлаган: Путин саккиз дақиқа, Трамп эса тўрт дақиқа. Кейинроқ Трамп, Hillary Клинтон уни Нобел тинчлик мукофотига номзод қилиши мумкинлиги ҳақидаги гапларини “жуда ёқимли” деб баҳолаган.

Путин Россияга қайтишидан олдин Форт Ричардсон мемориал қабристонида Иккинчи жаҳон урушида ҳалок бўлган совет аскарлари қабрларига гул қўйган. Трамп эса олти соатлик ташрифдан сўнг Вашингтонга қайтиб кетган.