Туркия Германия билан мудофаа соҳасида ҳамкорликни кучайтиришга ҳаракат қилмоқда

"Мудофаа саноатида дуч келадиган чекловларни кун тартибимиздан бутунлай олиб ташламоқчиман. Туркия ва Германия, айниқса, мудофаа соҳасида қўшма ишлаб чиқариш лойиҳаларини муҳокама қилади, деб умид қиламиз", - деди Эрдўғон ҳамкасби Франк-Валтер Штайнмаер билан ўтказилган матбуот анжуманида.

2016-йилдан бери Германия Туркияга қурол экспорт қилишда бир қанча чекловларни киритган. Бунга сабаб сифатида Туркиянинг Сурия шимолидаги Афринда курд милиция гуруҳларига, хусусан, Халқ ҳимояси бўлинмаларига қарши операцияси кўрилади.

Эрдўғон, шунингдек, ўзаро товар айирбошлаш ҳажмини ҳозирги 50 миллиард АҚШ долларидан 60 миллиард долларгача ошириш зарурлигини таъкидлади.

Штайнмаер, ўз навбатида, Туркия ва Германия бир-бири учун "ажралмас" икки давлат ва улар ҳақиқатан ҳам "бир-бирига муҳтож" эканини айтди.

“Биз жуда қийин пайтларда Туркия-Германия муносабатларига яна бир бор аҳамият ва туртки беришимиз керак... Ғазодаги гуманитар вазиятни яхшилашимиз керак”, деди Германия Президенти.

Давлат раҳбарлари, фаластинликлар учун сиёсий ечим топилмаса, Исроил узоқ вақт давомида тинчликка эриша олмаслигини таъкидлашди. "(Ғазодаги) вазиятнинг сиёсий ечими фақат икки халқ учун икки давлат тамойилини амалга оширишдан иборат бўлиши мумкин", - дея позициясини билдирди Франк-Валтер Штайнмаер.


Мустафо Яхёев