UzAuto Motors Лабо учун контрактацияни очганидан 20 дақиқа ўтиб 10 000 дан ортиқ шартнома тузди

UzAuto Motors хабарига кўра, компания бозорда ортиб бораётган талабни инобатга олган ҳолда, 2024-йилнинг 2-ярми учун автомобиллар ишлаб чиқариш ҳажмини оширган.

Шунингдек, ишлаб чиқариш ҳажмини ошириш бўйича кўрилган чора-тадбирлар, шунингдек, бундан олдинги контрактацияда  харидорлар томонидан тўловларнинг ўз вақтида амалга оширилмаганлиги 2024-йил учун контрактацияга  автомобиллар қўшимча ҳажмини чиқариш имконини берганлиги такидланган.

Шу муносабат билан 29-март 10:00 да Лабо автомобилларининг 18 000 дона ҳажми учун онлайн контрактация очилиши эълон қилинган эди.

29-март, соат 10:20 ҳолатига кўра, Лабо автомобили учун UzAutoSavdo платформасидан фойдаланган ҳолда 10 000 дан ортиқ шартнома тузилгани айтилди.

Эслатиб ўтамиз, ҳозирда Лабонинг нархи 96 млн 370 минг сўм.

29-март, соат 11:56 да эса Лабо автомобиллари учун эълон қилинган 18 000 та шартноманинг барчаси тузиб бўлинганлиги хабар қилинди.

Тузилган шартномаларнинг 99%и One ID тизимида рўйхатдан ўтган ва 1 та дан кўп бўлмаган автомобил учун шартнома тузган жисмоний шахсларга тўғри келади.


Мустафо Яхёев 
журналист