UzAuto Motors Labo uchun kontraktatsiyani ochganidan 20 daqiqa oʻtib 10 000 dan ortiq shartnoma tuzdi

UzAuto Motors xabariga koʻra, kompaniya bozorda ortib borayotgan talabni inobatga olgan holda, 2024-yilning 2-yarmi uchun avtomobillar ishlab chiqarish hajmini oshirgan.

Shuningdek, ishlab chiqarish hajmini oshirish boʻyicha koʻrilgan chora-tadbirlar, shuningdek, bundan oldingi kontraktatsiyada  xaridorlar tomonidan toʻlovlarning oʻz vaqtida amalga oshirilmaganligi 2024-yil uchun kontraktatsiyaga  avtomobillar qoʻshimcha hajmini chiqarish imkonini berganligi takidlangan.

Shu munosabat bilan 29-mart 10:00 da Labo avtomobillarining 18 000 dona hajmi uchun onlayn kontraktatsiya ochilishi eʼlon qilingan edi.

29-mart, soat 10:20 holatiga koʻra, Labo avtomobili uchun UzAutoSavdo platformasidan foydalangan holda 10 000 dan ortiq shartnoma tuzilgani aytildi.

Eslatib oʻtamiz, hozirda Laboning narxi 96 mln 370 ming soʻm.

29-mart, soat 11:56 da esa Labo avtomobillari uchun e’lon qilingan 18 000 ta shartnomaning barchasi tuzib bo‘linganligi xabar qilindi.

Tuzilgan shartnomalarning 99%i One ID tizimida ro‘yxatdan o‘tgan va 1 ta dan ko‘p bo‘lmagan avtomobil uchun shartnoma tuzgan jismoniy shaxslarga to‘g‘ri keladi.