1 август. Бугундан ўзбекистонликлар ҳаётида нималар ўзгаради?

1. Жарима майдончасидан автомобилни QR-код орқали олиб чиқиш мумкин бўлади.

2. Айрим оилаларга болалар нафақаси ва моддий ёрдам тўлаш тўхтатилиши мумкин.

3. Паспорт, прописка ёки болани чет элга чиқариш учун розиликни энди телефон орқали бериш мумкин бўлади (“E-Rozilik”).

4. Ўқувчиларни бир мактабдан бошқасига кўчириш хизмати қайта ишлай бошлайди.

5. Тадбиркорларни текшириш фақат “Бизнес ҳимоя” QR-коди орқали амалга оширилади.

6. Эски автомобилни trade-in орқали топширганларга автокредит фоизининг бир қисми қоплаб берилади.

7. Тошкентда айрим тадбиркорларга давлат бинолари ва ер участкалари бепул фойдаланишга берилади.

8. Йўқолиб бораётган айрим ёввойи ҳайвонларни овлаш 2028 йил 1 январгача тақиқланади.

9. Паррандачилик лойиҳалари учун 10 йиллик имтиёзли кредитлар ажратилади.

10. Ёш фермерларга икки йил давомида бепул бухгалтерия хизмати кўрсатилади.

11. Балиқчилик хўжаликлари учун янги субсидия ва имтиёзлар жорий этилади.

12. Балиқчилик лойиҳаларига кредит компенсацияси ва давлат кафиллиги берилади.

13. Мева-сабзавот экспортида янги фитосанитария назорати тизими ишга тушади.

14. Карантин маҳсулотларини текширишда автоматлаштирилган танлаш механизми жорий этилади.

15. Қора металл айланмаси “E-lom” электрон платформаси орқали назорат қилинади.

16. Хавфли ишлаб чиқаришдаги қоидабузарлик ҳақида хабар берганларга жариманинг 20%и тўланади.

17. Меҳнат низоларини кўрувчи ихтисослашган судьялар иш бошлайди.

18. Солиқ органлари мижозларга йўналтирилганлик индекси асосида баҳоланади.

19. Давлат архивларининг асосий хизматлари рақамлаштирилади.

20. Суюлтирилган газнинг биржа савдосида янги қоидалар кучга киради.

21. Тошкент шаҳри ва айрим туманлардаги иссиқхоналарга табиий газ етказиб бериш тўхтатилади.

Бошқа муҳим ўзгаришлар:

🔹 6 августдан банкоматлардаги носозликлар учун банкларга молиявий жарималар қўлланади.  

🔹 7 августдан ҳайвонларни (жумладан, ит ва мушукларни) идентификация қилиш ва рўйхатдан ўтказиш тизими ишга тушади.  

🔹 9 августдан банкларда паспортсиз сотиб олиш мумкин бўлган нақд хорижий валюта лимити 100 доллардан 500 долларгача оширилади.  

🔹 10 августдан Etihad Airways Абу-Даби–Тошкент йўналишида ҳар кунлик рейсларни бошлайди.