Айрим оилаларга табиий газ тўловлари учун моддий ёрдам берилади

Бу тартиб Президентнинг 2025 йил 2 апрелдаги PQ–134-сон қарори билан тасдиқланган.

Қарорга кўра, моддий ёрдам қуйидаги тоифадаги фуқароларга берилади:

1. Реестрларга киритилган оилалар:
— “Ижтимоий ҳимоя ягона реестри” орқали болалар нафақаси ва моддий ёрдам олувчилар;
— Камбагал оилалар реестридаги фуқаролар.

2. Реестрда бўлмаган, аммо кам таъминланган деб топилган оилалар:
— Оила аъзоси бошига тўғри келадиган даромади минимал истеъмол харажатларининг 1,5 бараваридан ошмайдиган оилалар.

Ёрдам тартиби
Табиий газ бўйича компенсация қуйидаги кўринишда амалга оширилади:
— Иситиш мавсумида: ойлик 250 м³ меъёрдан ортиқ истеъмол қилинган қисм учун тарифлар фарқини давлат қоплайди.
— Бошқа даврларда: 150 м³ меъёрдан ортиқ истеъмол учун тарифлар фарқи компенсация қилинади.

2025 йил 1 майдан 2027 йил 1 апрелгача амал қилади.

2025/2026 йилги иситиш мавсуми давомида реестрларга киритилган оилалар ҳамда “Маҳалла еттилиги” томонидан муҳтож деб топилган, аммо реестрда бўлмаган оилаларга 1 млн сўм миқдорида бир марталик моддий ёрдам ажратилади.