“Электрон рецепт” тизими бекор қилинмайди — ССВ

Бироқ бу маълумотлар ҳақиқатга тўғри келмайди.

Соғлиқни сақлаш вазирлиги маълум қилишича, гап “Электрон рецепт” тизимини бекор қилиш ҳақида эмас, балки уни жорий этиш тартибини такомиллаштириш ҳақида бормоқда.

2025 йил 15 декабрда қабул қилинган 25-сон буйруққа мувофиқ, электрон рецепт орқали бериладиган дори воситалари рўйхати босқичма-босқич шакллантирилиши белгиланган. Илк босқичда антибиотиклар, синтетик антибактериал препаратлар ва гормонал дори воситалари учун электрон рецепт мажбурий этиб белгиланган.

Янги буйруқ лойиҳасига кўра эса, Тошкент шаҳри ҳамда тажриба-синов ўтказилаётган 15 та ҳудуддаги барча тиббиёт муассасалари ва дорихоналарда рецепт билан бериладиган дори воситалари тўлиқ электрон шаклга ўтказилади.

Бунда айрим тоифадаги дори воситалари — кучли таъсир қилувчи, гиёҳвандлик ва психотроп моддалар сақловчи препаратлар ҳамда реимбурсация дастурига кирувчи дори воситалари истисно қилинади.

Мазкур тизим дори айланмасини назорат қилиш, шаффофликни таъминлаш ва ноқонуний сотувларни камайтиришга хизмат қилади.