Жиззахдаги ёпиқ муассасаларда Омбудсман текшируви: аниқланган камчиликлар ва чоралар

Текширув Жиззах шаҳри ҳамда Дўстлик, Зомин, Пахтакор ва Ғаллаорол туманларидаги вақтинча сақлаш ҳибсхоналари, 29 ва 30-сонли манзил-колониялар, вояга етмаганларга ижтимоий-ҳуқуқий ёрдам марказлари, Махсус қабулхона, вилоят руҳий асаб касалликлари диспансери, наркология филиали ва ногиронлиги бўлган шахслар учун интернат уйларини қамраб олди.

Мониторинг натижалари

Текширув давомида муассасалардаги ётоқ жойлари, ювиниш хоналари, ошхона, тиббиёт бўлими, дори-дармон ва озиқ-овқат сақлаш, кутубхона, маданий дам олиш, телефон мулоқоти, учрашув хоналари, тинтув хоналари ва видеокузатув камералари шароити ўрганилди.

Аниқланган асосий камчиликлар:

• Рухий асаб касалликлари диспансери ва реабилитация марказида шахсий ҳужжатлар тўлиқ эмас.
• Мастлик ҳолатидаги шахслар видеокузатув ва жиҳозларга зарар етказган, дераза ойналари синдирилган ва тиббий ходимларга нисбатан куч ишлатилган.
• Зомин туманлараро тиббий пунктда дори-дармон ва ускуналар етарли эмас, ёстиқ ва чойшаблар эскирган.

• Махсус қабулхонада айрим хоналар видеокузатув билан жиҳозланмаган.

  

Омбудсман томонидан аниқланган камчиликлар бўйича тегишли идораларга назорат хатлари юборилди. Қўриқлаш хизмати фаолияти кучайтирилиши, ҳушёрхона ва тиббий хизматлардаги шароитлар яхшиланиши тавсия этилди.

Мониторинг жараёнида “Омбудсман қутиси” орқали келган мурожаатлар кўриб чиқилди ва муассасаларда сайёр қабуллар ўтказилиб, фуқароларнинг мурожаатлари қонуний тартибда қабул қилинди.