Россияда Ўзбекистон ҳайдовчилик гувоҳномалари бекор қилиниши мумкин

Бу ҳақда Россия Давлат думаси спикери Вячеслав Володиннинг баёнотига таянган ҳолда маҳаллий ОАВ хабар берди.  

Айни пайтда Россия қуйидаги мамлакатлар ҳайдовчилик гувоҳномаларини амал қилувчи деб билади:

• Қозоғистон
• Беларусь
• Қирғизистон
• Тожикистон

Бу давлатларда рус тили расмий мақомга эга.

Ўзбекистонга таъсири қандай бўлади?

Ўзбекистонда рус тили давлат тили мақомига эга эмас. Шу боис, Володиннинг баёнотига кўра, ўзбек ҳайдовчилик гувоҳномалари Россияда амал қилмаслиги мумкин.

Бу ҳолат рўёбга чиқса, Ўзбекистон фуқаролари Россия ҳудудида транспорт бошқариш учун:

• маҳаллий имтиҳонларни топшириш,
• Россия ҳайдовчилик гувоҳномасини олиш каби талабларга риоя қилишига тўғри келади.

Янги тартиб қачон жорий этилади?

Ҳозирча Россия томонидан қонун ўзгаришининг аниқ санаси ва амалга ошириш тартиби юзасидан расмий баёнот берилмаган. Мазкур масала муҳокама жараёнида.