Rossiyada Oʻzbekiston haydovchilik guvohnomalari bekor qilinishi mumkin

Bu haqda Rossiya Davlat dumasi spikeri Vyacheslav Volodinning bayonotiga tayangan holda mahalliy OAV xabar berdi.  

Ayni paytda Rossiya quyidagi mamlakatlar haydovchilik guvohnomalarini amal qiluvchi deb biladi:

• Qozogʻiston
• Belarus
• Qirgʻiziston
• Tojikiston

Bu davlatlarda rus tili rasmiy maqomga ega.

Oʻzbekistonga taʼsiri qanday boʻladi?

Oʻzbekistonda rus tili davlat tili maqomiga ega emas. Shu bois, Volodinning bayonotiga koʻra, oʻzbek haydovchilik guvohnomalari Rossiyada amal qilmasligi mumkin.

Bu holat roʻyobga chiqsa, Oʻzbekiston fuqarolari Rossiya hududida transport boshqarish uchun:

• mahalliy imtihonlarni topshirish,
• Rossiya haydovchilik guvohnomasini olish kabi talablarga rioya qilishiga toʻgʻri keladi.

Yangi tartib qachon joriy etiladi?

Hozircha Rossiya tomonidan qonun oʻzgarishining aniq sanasi va amalga oshirish tartibi yuzasidan rasmiy bayonot berilmagan. Mazkur masala muhokama jarayonida.