Соат трендда: Ишметовнинг “27 минг евролик соати” ҳақидаги миш-мишлар ростми?

Бу ҳақда Марказий банк матбуот хизмати хабар берди.

Қайд этилишича, интернетда тарқалган суратлардаги соат қимматбаҳо Patek Philippe эмас, балки Tissot брендига тегишли. Унинг нархи 2021 йилда тахминан 300–350 доллар атрофида бўлган.

Аввалроқ ижтимоий тармоқ фойдаланувчилари мазкур соатни Patek Philippe Calatrava модели сифатида баҳолаб, унинг қиймати 27 минг евродан ортиқ эканини таъкидлаган эди.

Марказий банк шунингдек, ёлғон ёки чалғитувчи маълумотларни тарқатиш, шу жумладан шахснинг шаъни ва қадр-қимматига путур етказувчи ахборотлар учун жавобгарлик мавжудлигини эслатди.

Аввалроқ Миллий урбанизация қўмитаси раиси Шерзод Кудбиевнинг соати ҳам ижтимоий тармоқларда муҳокама қилинган эди. Кейинчалик у соат амалдорга мерос бўлиб қолгани ҳақида изоҳ берган.