Тошкент вилоятида фуқаро ўттиздан ортиқ илонни кўчага қўйиб юборди

Аниқланишича, туманнинг "Туябуғуз" МФЙ ҳудудида яшовчи 1980 йилда туғилган фуқаро Н.Ю. ўзи яшаётган хонадонида 30 дан ортиқ Осиё кобраси илонларини рухсатномасиз сақлаб келган. 

Номаълум сабабларга кўра, фуқаро Н.Ю.нинг хонадонида сақланаётган илонлар очиққа қўйиб юборилган. Бу ҳолат маҳаллий аҳоли томонидан аниқланиб, 2 та кобра илони тутиб ўлдирилган.

"Ҳозирги вақтда ишчи гуруҳ томонидан шу яқин атрофда яшовчи аҳоли хонадонларида дорилаш ишлари олиб борилиб, уй ҳайвонларини вақтинча тутқунликда сақлаб туриш бўйича тушунтириш ишлари олиб борилмоқда", дейилади муносабатда.

Бундан ташқари, расмий изоҳда фуқарога нисбатан ИИБ ходимлари томонидан дастлабки суриштирув ишлари олиб борилаётганлиги ҳамда ҳолат юзасидан батафсил ахборот берилиши айтилган. 

Маълумот учун, Ўрта Осиё кобраси илонлари Нажа охиана номи билан ҳам аталади. Бу турдаги илонлар Марказий Osiyo ҳудудида кенг тарқалган бўлиб, уларнинг узунлиги 1 метрдан 1,4 метргача бўлади (Камдан-кам ҳолларда 1,7 метргача бўлиши мумкин.