Хорижий урушда қатнашган ўзбекистонлик эркакка ҳукм ўқилди

Маълум қилинишича, Самарқанд вилояти Жомбой туман суди 2000 йилда туғилган Ф.Ғуломовни айбли деб топди. У Россияда гиёҳвандлик билан боғлиқ жиноят учун жазо ўтаётган вақтда моддий манфаат ва эрта озодлик эвазига ҳарбий хизматга жалб қилинган.

Суд ҳужжатларига кўра, у 2025 йилда Россия қуролли кучлари сафида шартнома асосида хизматга кириб, Луганск ҳудудида ҳарбий тайёргарликдан ўтган ва Украинага қарши жангларда иштирок этган.

Жанглар давомида у жароҳат олган ва кейинчалик Ўзбекистонга қайтган. Суд жараёнида айбини тан олиб, қилмишидан пушаймонлигини билдирган.

Суд қарорига кўра, у Ўзбекистон Республикаси Жиноят кодексининг 154-моддаси 1-қисми билан айбли деб топилиб, 5 йил муддатга озодликни чеклаш жазосига ҳукм қилинди. Жазо яшаш манзилида ўталади.