Яҳудий роҳибини ўлдирганликда айбланиб қўлга олинган 3 нафар ўзбекистонлик ўлимга ҳукм қилинди

Унга кўра, Бош прокурор доктор Ҳамад Саиф Ал Шамси 2025 йил январь ойида тўрт нафар айбланувчи қўлга олингани ва судга далиллар тақдим қилинганини маълум қилган. 

Давлат хавфсизлик прокуратураси томонидан судга тақдим этилган далиллар – «судланувчиларнинг қотиллик ва одам ўғирлаш жиноятларини батафсил тан олишлари, суд-тиббий экспертиза хулосалари, ўлимдан кейинги экспертиза хулосаси, жиноятда қўлланилган воситалар тафсилотлари ва гувоҳларнинг кўрсатмалари»дан иборат.

 Ўзбекистон Республикаси Ташқи ишлар вазирлиги матбуот котиби Аҳрор Бурҳоновнинг айтишича бу ҳали якуний қарор эмас.

 “БААда ўлим жазоси ҳукми устидан автоматик равишда апелляция қилинади ва Федерал Олий суднинг жиноят ишлари бўйича коллегиясига юборилади», деди ТИВ матбуот котиби Аҳрор Бурҳонов

Эслатиб ўтамиз, 2024 йилнинг ноябрь ойида роҳиб Тсви Коганнинг жасади қотиллик аломатлари билан топилган эди. БАА Ички ишлар вазирлиги жиноятда 3 нафар Ўзбекистон фуқаросидан гумонланиб қўлга олинган эди. Исроил нашрларининг ёзишича, “Моссад” гумондорларни Эрон билан боғлиқ гуруҳларга алоқадор деб ҳисобламоқда.