#Узбекистан

Свердловск вилояти суди 19 ёшли Ўзбекистон фуқаросини Среднеуральск шаҳридаги "Боқий машъала"ни таҳқирлагани учун 320 соат мажбурий меҳнат жазосига ҳукм қилди. Ёш йигит Иккинчи жаҳон урушида ҳалок бўлганларга бағишланган мемориалдаги оловдан сигарет ёққан.

7 ноябрь куни сўнгги йиллардаги энг кучли магнит бўрони кузатилиши мумкин. Бу ҳақда Космик тадқиқотлар институти қошидаги Қуёш астрономияси лабораторияси маълум қилди.

Афғонистон —  дунёда энг оғир тарихий изтиробларни бошдан кечириб, шунга қарамай келажакка интилаётган давлат. 40 йиллик урушлар, санкциялар ва яккалашувдан кейин мамлакат ҳозир Марказий Осиёдаги энг катта сув канали — Қўштепа, янги мегаполис — Kabul New City ва бир неча йирик гидроэнергетика лойиҳаларини амалга оширмоқда.

Қозоғистон Мажлиси ОАВ, ижтимоий тармоқлар, кино ва рекламада ЛГБТ тарғиботини тақиқлашни назарда тутувчи тузатишларни маъқуллади. Ҳужжатда сўз ЛГБТ шахсларини тақиқлаш ҳақида эмас, балки ушбу мавзуларни тарғиб қилувчи материалларнинг тарқалишини чеклаш ҳақида кетмоқда.

«Хочу жить» лойиҳаси жорий йил Украинадаги уруш давомида ҳалок бўлган 500 нафар ўзбекистонлик фуқаролар рўйхатини эълон қилди. Ташкилотнинг таъкидлашича, Россия қўшинлари сафидаги ўзбек ёлланма аскарлар сони ўсишда давом этмоқда.

Қамчиқ довонида автомобил ташувчи юк машинаси йўлдан чиқиб кетди. Ҳодиса оқибатида жабрланувчилар йўқ.  Унда ташилган автомобиллар сони ва уларнинг шикастланиш даражаси ҳақида ҳозирча маълумот берилмаган.

Ўзбекистонда энг юқори маош банк, суғурта ва кредит соҳаларида — ўртача 16,8 млн сўм. IT ва телекоммуникациялар ходимлари 14,9 млн сўм билан иккинчи ўринда. Энг паст маош эса таълим (4,1 млн сўм) ва соғлиқни сақлаш (3,7 млн сўм) соҳаларида қолмоқда.

Канадалик хонанда Девид Керолл "айби" ўзбекистонлик бўлган Суҳроб Убайдулаевни самолётга чиқишига рухсат бермаган WizzAir лоукастери ҳақида қўшиқ басталаб, унга клип ҳам суратга олди ва “Ютуб”га қўйди.

2026 йилдан Ўзбекистонда кучли зилзилаларни олдиндан башорат қилиш ва биноларнинг сейсмик барқарорлигини таҳлил этиш учун сунъий интеллект технологиялари қўлланила бошлайди. Мазкур чора-тадбирлар мамлакатда сейсмик хавфсизликни оширишга қаратилган ҳукуматнинг янги қарорида назарда тутилган.

CNN Travel сайти эълон қилган дунёнинг энг яхши 50 та нон тури рўйхатига ўзбек нони ҳам киритилди. Нашр бу миллий ноннинг бетафсир таъми, ўзига хос кўриниши ва бой минтақавий анъаналарини алоҳида таъкидлаган.

Ўзбекистон ва Human Rights Watch Варшавадаги конференцияда инсон ҳуқуқлари бўйича мажбуриятларни бажариш масаласини муҳокама қилди 

Вазирлар Маҳкамасининг 10.10.2025 йилдаги 637-сон қарори билан Имтиёзли шартларда пенсияга чиқиш ҳуқуқини берувчи ишлаб чиқаришлар, муассасалар, ишлар, касблар, лавозимлар ва кўрсаткичлар рўйхати ҳамда ушбу рўйхатга ўзгартириш ва қўшимчалар киритиш тартиби тўғрисидаги низом тасдиқланди, деб ёзмоқда Norma.