Юк машиналарнинг Тошкентга кириши вақтинча тақиқланади

 Бу ҳақда Ички ишлар вазирлиги хабар берди.

15 ноябрь куни соат 14:00 дан 19:00 гача Абдулла Қодирий кўчаси (Ганга кўприги кесишмасидан то Зарқайнар кўчасигача) ёпилади. Ҳайдовчилар Себзор ва Нурафшон кўчалари орқали ҳаракатланишлари мумкин.

Шу куни соат 9:00 дан 19:00 гача Абдулла Қодирий — Қорасарой чорраҳасидан Нурафшон — Қорасарой чорраҳасигача йўл ёпилади. Ҳайдовчилар Қорасарой кўчасидан кичик ҳалқа йўли ёки Нурафшон орқали Себзорга чиқишлари мумкин.

16 ноябрь куни соат 10:00 дан 15:00 гача Ислом Каримов кўчаси (Ботир Зокировдан то Фурқат чорраҳасигача) қисман ёпилади. Ҳайдовчилар Ботир Зокиров — Алишер Навоий ёки Олмазор — Бешёғоч кўчалари орқали ҳаракатланишлари мумкин.

Шу куни соат 9:00 дан 15:00 гача Фурқат кўчаси (Ислом Каримов чорраҳасидан то Хадра майдонигача) ёпилади. Ҳайдовчилар Алишер Навоий ва Ислом Каримов кўчалари орқали ҳаракатланишлари мумкин бўлади.

Шунингдек, 14–17 ноябрь кунлари водийдан воҳага ва воҳадан водийга ҳаракатланиш D-012 автомагистрали орқали амалга оширилади.