Wolt компанияси Ўзбекистондаги фаолиятини тўхтатади

“Бу қарорни қабул қилиш бизга осон кечмади. Мижозлар ва ҳамкорларимизга сифатли хизмат кўрсатиш, шунингдек, сиз ва бошқа курьерлар учун рақобатбардош шароитлар яратиш доимо устувор вазифамиз бўлиб келган. Ўтган икки йил мобайнида биз Ўзбекистонда биргаликда салмоқли натижаларга эришдик ва бундан фахрланамиз”, – деган “Wоlt Uzbekistan” бош менежери Зафар Исҳоқов.

Компания бозор шароитларини таҳлил қилиш натижасида Ўзбекистондаги фаолиятини тўхтатиш энг тўғри қарор деган хулосага келган.

Wolt курьерлари нима қилсин?

Бош менежернинг таъкидлашича, курьерлар 4 мартгача (шу куни ҳам) буюртмаларни бажаришда давом этиши мумкин. 

5 мартдан бошлаб янги буюртмаларни қабул қилиш тўхтатилади.

Барча бажарилган хизматлар ҳақи тўлаб берилади.

Шунингдек, компания курьерларга хизматни ривожлантиришга қўшган ҳиссаси ва биргаликда мижозларга Ўзбекистоннинг энг сара таомларини етказиб бергани учун самимий миннатдорчилигини билдирган.

1,5 йиллик фаолият

Wolt брендига 2014 йил Финландияда асос солинган. Ҳозирда 30 дан ортиқ давлатларда фаолият юритмоқда.

2019 йил Қозоғистонда филиал очиш орқали Марказий Осиёга кириб келди. 2024 йил сентябрь ойидан Ўзбекистонда ўз хизматларини кўрсата бошлаган.

Муаллиф: Исомиддин Жуманазаров