Ёшларга тил ўрганиши учун субсидия ажратилади

Дастур моҳияти

"2+6" дастурига кўра, белгиланган хорижий тиллар бўйича минимал даражадаги сертификатга эга бўлган ёшлар 8 ойлик ўқиш дастурида иштирок этиши мумкин.

Биринчи 2 ой ариза берувчи томонидан ўз ҳисобидан тўланади;

Кейинги 6 ой Ёшлар ишлари агентлиги ҳузуридаги Ёшларга оид давлат сиёсатини қўллаб-қувватлаш жамғармаси ҳисобидан субсидия билан қопланади.

Субсидия миқдори ҳар ой якунида қуйидагича белгиланади:

Тошкент шаҳрида БҲМнинг 2 бараваригача;

Қорақалпоғистон Республикаси ва вилоят марказларида БҲМнинг 1,5 бараваригача;

туман ва шаҳарларда БҲМнинг 1 бараваригача.

Амал қилиш муддати

2025–2026 йилларда 20 минг нафаргача ёшлар субсидия олади;

2031 йилгача ҳар йили 20 минг нафаргача ёшлар дастурдан фойдаланиши режалаштирилган.

Агар тегишли йилда 20 минг нафардан ортиқ ёш субсидия олса, кейинги ажратмалар навбатдаги йилгача тўхтатилади.

Субсидия ажратиладиган ўқув марказлар учун талаблар:

белгиланган тартибда электрон платформа орқали рўйхатдан ўтган бўлиши;

ўқув машғулотларини кунлик электрон назорат қилиш имкониятига эга тизимга интеграция қилинган бўлиши лозим.