Жорий йилнинг 30 ноябрь куни Тошкент – Абу-Даби йўналиши бўйича Wizz Air авиақатнови орқали учиб кетган Ўзбекистон фуқаролари номаълум сабабларга кўра амирликка киритилмади. Орадан бироз муддат ўтиб, Ўзбекистоннинг Абу-Дабидаги элчихонаси ва Дубайдаги Бош консулхонаси вазиятни назоратга олганини билдирди. Аммо орадан уч кун ўтса ҳам ўзбекистонликлар нимага БААга киритилмагани тўғрисидаги маълумотлар ёпиқлигича қолмоқда. Хўш, ўзи шу вақт оралиғида нималар очиқландию, нималар сир тутилмоқда?
