Ўзбекистонда «яшил» энергияни ривожлантиришга БАА компанияси 27 млн доллар инвестиция киритади

Президент Шавкат Мирзиёевнинг жорий йил БАА пойтахтида ўтган саммитда белгилаб берган вазифалари ижроси доирасида «яшил» энергетика соҳасида йирик лойиҳалар амалга оширилмоқда.

Бугунги кунда қуёш ва шамол электр станциялари ишлаб чиқарган электр энергияси ҳажми 8 миллиард кВт·соатдан ошган.

Учрашувда:

мамлакатда кичик қувватли қайта тикланувчи энергия манбалари улушини ошириш;

мазкур йўналишдаги ишлар самарадорлигини кучайтириш;

соҳада замонавий ёндашувларни жорий этиш масалалари муҳокама қилинди.

Шу муносабат билан GSU компанияси билан шартномалар имзоланди. Унга кўра, компания “Яшил Энергия” МЧЖга 27 млн доллар инвестиция киритади.

“Яшил Энергия” компанияси давлат органлари, ижтимоий соҳа объектлари ва бошқа ташкилот биноларида кичик қувватли қайта тикланувчи энергия қурилмаларини ўрнатиш ва ишлатиш ишларини амалга оширади.

Шунингдек, ҳамкорлик доирасида кичик қувватли қуёш ва гидроэлектр станциялари, электромобиллар учун юқори тезликда зарядлаш шохобчаларини барпо этиш ва уларга замонавий техник хизмат кўрсатиш ишлари жадаллаштирилади.

Томонлар “яшил” энергия манбаларини ривожлантириш бўйича ҳамкорликни янада кучайтиришга келишиб олдилар.