Noyabr 2025

Texas shtatidagi Gateway yirik cherkovining asoschisi va sobiq bosh pastori Robert Morris 12 yoshli qizga nisbatan jinsiy zoʻravonlik qilganini sudda tan oldi. Robert Morrisga Oseydj okrugi prokuraturasi tomonidan bolaga nisbatan besh epizod boʻyicha axloqqa zid harakatlar sodir etganlik ayblovi qoʻyildi. Tergovga koʻra, zoʻravonlik 1982 yil dekabrida boshlangan — oʻshanda jabrlanuvchi 12 yoshda, Morris esa taxminan 21 yoshda boʻlgan.

Prezident Shavkat Mirziyoyev 25 noyabr kuni «Toshkent shahrida ekologik vaziyatni yaxshilash boʻyicha kechiktirib boʻlmaydigan chora-tadbirlar toʻgʻrisida»gi farmonni imzoladi. Farmonga muvofiq, poytaxtda ekologik holatni yaxshilashga qaratilgan shoshilinch chora-tadbirlarni amalga oshirish boʻyicha maxsus komissiya tuzildi.

Toshkentda joriy etilgan pulli parkovka tizimi atrofida munozaralar davom etar ekan, Oʻzbekiston Xalq demokratik partiyasi aholi manfaatlarini inobatga olgan holda bir qator takliflarni ilgari surdi. Yaʼni, tariflarni belgilashda aholining real daromadlari va ijtimoiy ehtiyojlari hisobga olinishi, yigʻilayotgan mablagʻlar qayerga sarflanishi haqida toʻliq ochiq maʼlumot taqdim etilishi shart.

COVID sindromiga chalingan bemorlarning qonida odatdagidan farq qiluvchi «mikrotromblar» topildi. COVID holati kuzatilgan bemorlarda bunday komplekslar sogʻlom odamlarga nisbatan qariyb 20 barobar koʻp uchragan. Bu haqda Journal of Medical Virology jurnalida chop etilgan tadqiqotda maʼlum qilindi.  

Bangladeshdagi maxsus tribunal sobiq bosh vazir Sheyx Hasinani davlatning yoshlar yetakchiligidagi ommaviy norozilik namoyishlarini qatʼiy tarzda bostirishga boʻyruq bergani uchun insonparvarlikka qarshi jinoyat sodir etganlikda aybdor deb topdi va uni oʻlim jazosiga hukm qildi.

Turkmaniston bir yoshgacha boʻlgan goʻdaklar oʻlimi boʻyicha Markaziy Osiyoda eng yuqori koʻrsatkichga ega davlat sifatida qayd etildi. 2024 yil yakunlariga koʻra, dunyo boʻyicha har 1000 tirik tugʻilgan chaqaloqdan oʻrtacha 28,3 nafari bir yoshiga yetmay vafot etgan.

Oʻzbekiston prezidenti Shavkat Mirziyoyev 6 noyabr kuni Vashington shahriga amaliy tashrifi doirasida Oq uyda AQSh prezidenti Donald Tramp bilan uchrashuv oʻtkazdi. Tramp Oʻzbekiston yetakchisining AQSh hukumati vakillari, yirik kompaniyalari va moliyaviy institutlari rahbarlari bilan samarali uchrashuv va muzokaralar oʻtkazganini olqishladi.

Oʻzbekiston prezidenti Shavkat Mirziyoyev AQSh prezidenti Donald Trampning taklifiga binoan 4 noyabr kuni amaliy tashrif bilan Vashington shahriga keldi. Tashrif dasturi doirasida Mirziyoyev AQShda tahsil olayotgan va faoliyat yuritayotgan bir guruh oʻzbekistonliklar bilan uchrashdi.

Oʻzbekistonda pirotexnika buyumlari xavflik darajasiga koʻra 5 ta toifaga boʻlinmoqda. Qonunga koʻra, I toifaga kiruvchi, xavfli hudud radiusi 0,5 metrdan oshmaydigan pirotexnika buyumlari erkin muomalada boʻladi. Qolgan toifadagi pirotexnika vositalari muomalasi taqiqlanmoqda.