300-maktabda oʻquvchilar oʻrtasidagi janjal yuzasidan rasmiy bayonot berildi

Maʼlumotlarga koʻra, holat 20 sentabr kuni yuz bergan. Darsdan soʻng 4-sinf oʻquvchisi I.A. va sinfdosh oʻgʻil bolalar oʻrtasida ogʻzaki tortishuv ortidan janjal kelib chiqqan. Maktab maʼmuriyati bu holat haqida hududiy profilaktika inspektori hamda maktabga biriktirilgan inspektor-psixologlarga darhol xabar bergan.

Oʻrganish natijalariga koʻra, I.A. bilan janjallashgan oʻquvchilar — I.A. va E.J.ning ota-onalari Maʼmuriy javobgarlik toʻgʻrisidagi kodeksning 47-moddasiga (Bolalarni tarbiyalash va ularga taʼlim berish borasidagi majburiyatlarni bajarmaslik) asosan maʼmuriy javobgarlikka tortilgan.

Bunday holatlarning takrorlanishiga yoʻl qoʻymaslik maqsadida ota-onalar ishtirokida yigʻilish oʻtkazilib, tushuntirish ishlari olib borilgan. Shuningdek, maktab direktori va masʼul xodimlarga nisbatan intizomiy choralar koʻrilgan.