Andijondagi “samosudchilar”ga qanday jazo qoʻllangani maʼlum qilindi

Aniqlanishicha, Asaka tumanida yashovchi 2001 yilda tugʻilgan X.J shu yilning 8 iyun kuni tonggi soat 4:30 larda Asaka tumani, Qadriyat mahallasi hududida fuqarolarning tinchini buzib, sheriklari 2003 yilda tugʻilgan S.M. va 2002 yilda tugʻilgan O.M.lar bilan birga, 2004  yilda tugʻilgan X.D.ni oʻzaro kelishmovchilik ortidan urib doʻpposlab, unga yengil tan jarohati, 1997 yilda tugʻilgan fuqaro R.B.ga esa oʻrtacha ogʻir tan jarohati yetkazishgan.

Ushbu holat yuzasidan shu kunning oʻzida fuqarolar X.J, S.M. va O.M.larga nisbatan JKning 277-moddasi 3-qismi “g” bandi bilan jinoyat ishi qoʻzgʻatilib, ayblanuvchilarga "qamoqqa olish" tarzidagi ehtiyot chorasi qoʻllanilgan.

Jinoyat ishi boʻyicha tergov harakatlari tamomlanib, 2025 yil 8 iyul kuni ayblov xulosasi bilan sud muhokamasiga yuborilgan.

Jinoyat ishlari boʻyicha Asaka tumani sudi tomonidan 2025 yil 27 avgust kuni sudlanuvchilar X.J, S.M.va O.M.larning xar biriga nisbatan 3 yil muddatdan ozodlikni cheklash jazolari tayinlandi.