577 million aliment undirildi - Ombudsman

Oʻzbekiston Respublikasi Oliy Majlisi Inson huquqlari boʻyicha vakili (ombudsman) 2025 yilning 9 oyligida amalga oshirilgan ishlar yuzasidan hisobot taqdim etdi.

Ombudsman axborotiga koʻra:

• Fuqarolar foydasiga 9 mlrd 327 mln soʻmdan ortiq mablagʻ undirildi. Shundan 2 mlrd 162 mln soʻmga yaqini mehnat munosabatlari va ish haqi boʻyicha.
• 25 nafar fuqaroni ishga tiklash va ishga joylashtirish toʻgʻrisidagi murojaatlar ijobiy hal qilindi.
• 11 ta holatda ish beruvchilarning noqonuniy xatti-harakatlari bartaraf etildi.
• Xotin-qizlar va bolalar manfaati uchun 577 mln soʻmdan ortiq aliment undirilishi taʼminlandi. Aliment toʻlashdan bosh tortgan 3 nafar huquqbuzarga maʼmuriy qamoq tayinlandi.
• Yer uchastkalari olib qoʻyilishi bilan bogʻliq hollarda 3,6 mlrd soʻmdan ortiq kompensatsiya fuqarolar foydasiga undirilishda yordam koʻrsatildi.
• Murojaatlarni oʻrganish natijasida inson huquqlarini buzgan 33 nafar masʼul xodimga intizomiy va maʼmuriy javobgarlik choralari qoʻllandi.
• Ombudsman va uning huzuridagi Jamoatchilik guruhlari tomonidan harakatlanish erkinligi cheklangan shaxslar saqlanadigan joylarga 728 marotaba monitoring tashriflari amalga oshirildi.

Ombudsman instituti joriy yilda ham fuqarolar huquqlarini himoya qilish va adolatni taʼminlashga qaratilgan ishlarini izchil davom ettirmoqda.