Eronda 35 nafar pokistonlik halok boʻldi

Qayd etilishicha, voqea Eronning Yezd shahrida sodir boʻlgan. Unda ichida pokistonlik ziyoratchilar boʻlgan avtobus avtohalokatga uchragan. Oqibatida esa 35 nafar sayyoh vafot etgan, 15 nafari ogʻir jarohat olgan. 

Maʼlumotlarga koʻra, YTH avtobusning tormoz tizimi ishlamay qolgani sababli sodir boʻlgan. Jarohatlanganlar zudlik bilan shifoxonaga yotqizilgan. Avtobus ichida Larkana, Ghotki , Sinding va boshqa shaharlardan kelgan sayyohlar boʻlgan. 

"Ushbu voqea yuzasidan Pokiston Prezidenti Asif Ali Zardari va Bosh vazir Shaxbaz Sharif avtohalokat oqibatida halok boʻlganlarning oila aʼzolariga taʼziya izhor etib, marhumlar ruhiga duolar oʻqidi", deyiladi xabarda. 

Bundan tashqari, Prezident Tashqi ishlar vazirligiga jasadlarni Pokistonga olib kelish va jarohatlanganlarga oʻz vaqtida yordam koʻrsatishni buyurgan. Bosh vazirning bildirishicha, avtohalokatda jabrlangan oilalarga har tomonlama yordam koʻrsatish boʻyicha koʻrsatmalar belgilangan.